عجوہ کھجور اور دل کے مریض

بحریہ ٹاؤن کے مالک ملک ریاض کو 1995 میں دل کی تکلیف ہوئی ۔ ڈاکٹروں نے ان کو بتایا کہ آپ کے دل کی تین نالیاں بند ہیں چنانچہ آپ کو فوراً اینجو پلاسٹی کرنا پڑے گی ۔ ملک ریاض اینجو پلاسٹی کے لیے لندن جانے لگے تو سابق چیف آف آرمی سٹاف جنرل اسلم بیگ نے انہیں دل کی تقویت کے لیے طب نبوی (ص) سے ایک نسخہ بتایا۔ جنرل اسلم بیگ کا کہنا تھا انہیں 56 سال کی عمر میں دل کا عارضہ لاحق ہوا۔ یہ اپنے مرض کو خفیہ رکھنا چاہتے تھے کیونکہ اس سے انکے فوجی کیرئیر پر زد پڑ سکتی تھی چنانچہ انہوں نے جدید علاج کے بجائے طب نبوی (ص) کا سہارا لینے کا فیصلہ کیا ۔ انہیں کسی صاحب نے یہ نسخہ بتایا۔ انہوں نے یہ نسخہ استعمال کرنا شروع کیا اور حیران کن حد تک صحت مند ہوگئے ۔
مرزا اسلم بیگ نے کہا کہ " آپ اینجو پلاسٹی سے پہلے ایک مہینہ تک یہ نسخہ استعمال کریں اور اس کے بعد اپنے ٹسٹ کرائیں، اگر شفا ہوگئی تو ٹھیک ورنہ دوسری صورت میں آپ اینجو پلاسٹی کرا لیں "
ملک ریاض نے اسلم بیگ سے یہ نسخہ لیا اور اسکا استعمال شروع کر دیا۔ ایک مہینے بعد یہ لندن کے کرامویل ہسپتال گئے ۔ وہاں انہوں نے دنیا کے ایک نامور کارڈیالوجسٹ سے رابطہ کیا۔ اس نے ان کے ٹسٹ کرائے اور ٹسٹوں کے نتائج دیکھ کر کہا کہ آپکا دل مکمل طور پر ٹھیک ہے ۔ آپ کو کسی قسم کے علاج کی ضرورت نہیں ۔ ملک ریاض نے اپنے پرانے ٹسٹ ڈاکٹر کو دکھائے تو اس نے ماننے سے انکار کر دیا کہ یہ ایک ہی شخص کے ٹسٹ ہیں ۔ ملک ریاض نے اس نسخے کو اپنا معمول بنالیا اور دوبارہ 2009 میں لندن کے کرامویل ہسپتال گئے تو ڈاکٹروں نے بتایا کہ 1995 سے 2009 تک اس کے دل میں ذرا سی بھی کمزوری نہیں آئی ہے ۔
مرزا اسلم بیگ بھی یہ نسخہ آج تک استعمال کر رہے ہیں اور 84 سال کی عمر میں بھی انکا دل نوجوانوں کی طرح صحت مند ہے اور آج بھی میڈیا پر گرج کر بولتے ہیں ۔ آج بھی ان کی خواہش ہے کہ پاکستان انڈیا پر کم از کم ایٹم بم ضرور گرا دے ۔
تاریخ اسلام میں پہلا ہارٹ اٹیک جنگ قادسیہ کے ہیرو اور فاتح ایران حضرت سعد بن ابی وقاص (ر) کو ہوا تھا ۔ ان کے دل میں اچانک تکلیف اٹھی۔ آپ (ص) کو معلوم ہوا تو آپ نے فرمایا۔ " انہیں عجوہ کھجور گھٹلی سمیت کوٹ کر کھلا دو یہ ٹھیک ہوجائینگے " ۔۔ ایسا ہی کیا گیا اور حضرت سعد بن ابی وقاص (ر) ٹھیک ہوگئے۔
اسلم بیگ اور ملک ریاض اسکی گھٹلی پیس کر آدھی چمچ صبح پانی کے ساتھ نگلتے ہیں ۔
ہمارا ایمان ہے کہ حضور (ص) اللہ کے رسول تھے اور آپکی راہنمائی اللہ ہی فرماتے تھے ۔ عجوہ کھجور سے دل کی بیماری کا علاج اللہ ہی نے آپ کو سکھایا۔
تحریر شاہد خان